UZINDUZI WA UMISSETA COPA COCA-COLA 2017 MKOANI MWANZA WAFANA

Mkuu wa Wilaya ya Ilemela mkoani Mwanza, Dk Leonard Masale akizungumza wakati wa uzinduzi wa michuano ya Copa Coca-cola kwenye uwanja wa CCM Kirumba jijini Mwanza.

Meneja Mkuu wa Masoko Nyanza Bottling Co. Ltd Mwanza, Deus Kadico akizungumza wakati wa uzinduzi wa michuano ya Copa Cocacola kwenye uwanja wa CCM Kirumba jiji ni Mwishoni mwa wiki.

Afisa Msaidizi wa Masoko wa kampuni ya Coca Cola nchini, Pamela Lugenge akizungumza wakati wa uzinduzi wa michuano ya Copa Cocacola kwenye uwanja wa CCM Kirumba jijini mwishoni mwa wiki.

Mkuu wa Wilaya ya Ilemela mkoani Mwanza, Dk Leonard Masale akikabidhi vifaa vya michezo kwa baadhi ya wanafunzi wa Shule ya Sekondari Bugogwa baada ya kuzindua michuano ya Copa Cocacola kwenye uwanja wa CCM Kirumba jijini Mwanza mwishoni mwa wiki.Kushoto ni Mkurugenzi wa Nyanza Bottling, Christopher Gachuma na wa pili kushoto ni Afisa Msaidizi wa Masoko wa kampuni hiyo nchini, Pamela Lugenge.

Mkuu wa Wilaya ya Ilemela mkoani Mwanza, Dk Leonard Masale akikagua timu ya ya mpira wa miguu ya Nyamagana baada ya kuzindua michuano ya Copa Cocacola kwenye uwanja wa CCM Kirumba jijini Mwanza mwishoni mwa wiki.

Afisa Msaidizi wa Masoko wa kampuni hiyo nchini, Pamela Lugenge akibadilishana mawazo na Mkurugenzi wa Nyanza Bottling, Christopher Gachuma wakati wa hafla hiyo

Mkuu wa Wilaya ya Ilemela mkoani Mwanza, Dk Leonard Masale akipiga mpira golini ishara ya uzinduzi wa michuano ya Copa Coca-cola iliyofanyika kwenye uwanja wa CCM Kirumba jijini Mwanza mwishoni mwa wiki.

BALOZI SEIF AKUTANA NA MWAKILISHI WA KAMPUNI YA UJENZI YA GARWARE YA INDIA

Kaimu Balozi wa Tanzania Inchini India Balozi Mohamed Hija kulia akifafanua jambo wakati wa mazungumzo ya Viongozi wa Kampuni za Kimataifa ya Ujenzi ya GARWARE na Taasisi inayojishughulisha na Masuala la Sekta ya Elimu ya Arun { U } ltd ya Nchini India walipokutana na Makamu wa Pili wa Rais wa Zanzibar Balozi Seif Ali Iddi Ofisini kwake Vuga Mjini Zanzibar.

Mwenyekiti na Mkurugenzi Mkuu wa Taasisi inayojishughulisha na Masuala la Sekta ya Elimu ya Arun { U } ltd ya Nchini India Bwana Jatinder Sehgal na wa kwanza kushoto ni Balozi Seif.

Balozi Seif akibadilishana mawazo na Ujumbe huo wa Makampuni na Taasisi za Uwekezaji kutoka Nchini India mara baada ya mazungumzo yao.

Picha na – OMPR – ZNZ.
Mwakilishi wa Kampuni ya Kimataifa ya Ujenzi ya GARWARE ya Nchini India Bwana Kedar Chapekar amesema Zanzibar ina uwezo wa kuwa kituo cha Kimataifa cha Kibiashara kinachofanana na Dubai kutokana na rasilmali ya kimazingira iliyonayo.

Bwana Kedar alieleza hayo akiambatana na Mwenyekiti na Mkurugenzi Mkuu wa Taasisi inayojishughulisha na Masuala la Sekta ya Elimu ya Arun { U } ltd ya Nchini India Bwana Jatinder Sehgal wakati wakizungumza na Makamu wa Pili wa Rais wa Zanzibar Balozi Seif Ali Iddi Ofisini kwake Vuga Mjini Zanzibar.

Viongozi hao wa Taasisi za Uwekezaji za Nchini wapo Zanzibar kwa ziara ya Wiki moja kuangalia fursa mbali mbali za Uwekezaji zilizopo Zanzibar kufuatia mualiko wa Balozi Seif wakati wa ziara yake ya hivi karibuni Nchini India.

Alisema Zanzibar iko katika mazingira mazuri ya Kibiashara ndani ya mwambao wa Afrika Mashariki pamoja na Ukanda wa Kusini Mashariki mwa Bara la Afrika ambayo bado haijatumika vyema kama ilivyokuwa katika miaka ya nyuma.

Bwana Kedar alimueleza Balozi Seif kwamba Taasisi zao za uwekezaji zimepata fursa nzuri ya kuangalia hali halisi ya kimazingira iliyopo Zanzibar na Uongozi wa Taasisi hizo utaangalia maeneo ambayo wanaweza kuwekeza Visiwani Zanzibar.

Naye Mwenyekiti na Mkurugenzi Mkuu wa Taasisi inayojishughulisha na Masuala la Sekta ya Elimu ya Arun { U } ltd ya Nchini India Bwana Jatinder Sehgal alisema upo uwezekano wa Zanzibar kuwa na Ukumbi mkubwa wa Kimataifa unaoweza kutoa huduma za Mikutano ya Kimataifa.

Bwana Jatinder Sehgal alisema ukumbi huo kwa upande mwengine unaweza kuhamasisha kasi ya uwekezaji ambayo tayari imeshachaguliwa na Serikali ya Mapinduzi ya Zanzibar kuwa muhimili wa Uchumi wake utakaoweza kusaidia kunyanyua Mapato ya Taifa.

Akitoa shukrani zake kufuatia ujio wa Ujumbe huo wa Wawekezaji kutoka Nchini India kufuatia ziara yake ya hivi karibu Nchini India Makamu wa Pili wa Rais wa Zanzibar Balozi Seif Ali Iddi alisema Zanziba imejiwekea malengo ya kuwa kituo na kitovu cha Utalii katika Ukanda wa Afrika Mashariki.

Balozi Seif alisema uimarishaji wa Uwanja wa ndege wa Kimataifa wa Zanzibar pamoja na miundombinu ya mawasiliani ya bara bara ni jitihada za Serikali ya Mapinduzi ya Zanzibar katika kuona Sekta hiyo inaanza muelekeo mzuri wa kuimarika Kiuchumi.

Makamu wa Pili wa Rais wa Zanzibar alizipongeza Taasisi na Makampuni ya Nchini India yaliyoonyesha nia ya kutaka kuwekeza miradi yao ya Kiuchumi Visiwani Zanzibar katika azma yao ya kuunga mkono jitihada za SMZ za kuimarisha mipango ya Maendeleo.

Othman Khamis Ame
Ofisi ya Makamu wa Pili wa Rais wa Zanzibar
8/5/2017.

SIMANZI MAJONZI VILIO VYATAWALA JIJINI ARUSHA KATIKA ZOEZI LA KUAGA MIILI 32 YA WANAFUNZI WALIOPATA AJALI JUMAMOSI

Umati wawatu uliouthuria katika zoezi la kuaga marehemu hao

Na Woinde Shizza,Arusha

MAKAMU wa rais wa Jamhuri ya Muungano wa taTanzania Samia Suluhu ameongoza maelfu ya waombolezaji katika zoezi la kuaga miili ya wanafuzi 35 wa shule ya Luck Vicent ikiwemo walimu wawili pamoja na dereva mmoja waliofariki katika ajali iliyotokea juzi eneo la Rotia wilayani karatu mkoani Arusha.
Akizungumza katika tukio hilo ambalo ni kubwa kutokea mkoani arusha na tanzania kwa ujumla alisema kuwa kama serikali walmelipokea kwa masikitiko makubwa na kwamba watajitahidi kuungana na familia zilizopoteza watoto wao ambao hata wazazi wao walikuwa na malengo mazuri juu ya kuwapatia elimu bora ,huku akiwaagiza madereva wote kuzingatia sheria za barabarani na kuepuka vilevi.
Alisema kuwa ajali nyingi zinatokana na uzembe wa madereva na hivyo kuwataka madereva wote kuwa makini pindi wanapokuwa wakiendesha vyombo vya moto ili kuepuka ajali ambazo zinqweza kuzuilika.
 
"Serikali yetu kwa sasa inapiga vita sana madereva walevi pindi wanapokuwa wanaendesha vyombo vyao hivyo naomba tu kuagiza madereva wetu kuwa makini na waadilifu kwani hata ajali kama hizi ambazo zinapoteza nguvu kazi zinatokana na vilevi vinavyotumiwa na madereva na hivyo kuleta maafa kama haya"aliongeza Samia.
Aidha aliwataka pia madereva kuhakikisha wanabeba idadi ya watu wanaolingana na uhalisia wa gari kwani wengi wao wamekuwa wakibeba idadi kubwa na hivyo kusababisha madhara mkubwa zaido pindi ajali zinazotokea mfano wa ajali hii.
Samia alitumia fursa hiyo kuiagiza Wizara ya elimu ,jeshi la polisi kuwa makini kuhakikisha sheria za barabarani zinazingatiwa ili kuepuka vifo vya watoto.
Awali mara baada ya kuwasili kwa miili hiyo 35 majira ya saa tano na robo uwanjani hapo Vilio ,majonzi na simanzi vilitawala katika uwanja huo huku watu mbali mbali wakiwemo wanafunzi wa shule wakiwa wanazimia na kuwahishwa mahospitalini ili kupatiwa huduma ya kwanza.
Aidha katika zoezi hilo la kuaga miili ya wanafunzi hao serikali ya mmkoa wa arusha ikiongozwa na mkuu wa mkoa huo Mrisho Gambo imeweza kugaharamia shuguli zote za mazishi ya wanafunzi hao ikiwa ni pamoja na kutoa magari ya kusafirisha miili hiyo mpaka eneo ambalo familia imejiwekea utaratibu wa kuhifadhi miili hiyo ambapo miili 25 itasafirishwa nje ya mkoa wa arusha,huku miili 10 ikibaki kwa taratibu za mazishi ndani ya mkoa huu.
Hata hivyo akiongoza misa ya kuaga miili hiyo kwa upande wa wakristo Askofu wa kanisa la katoliki jimbo la arusha Josphat Lobulu alisema kuwa siku za mwanadamu ni chache hivyo inawapasa wanadamu kuishi maisha ambayo yanaendana na mapenzi ya Mungu.
Alisema kuwa vifo vya wanafunzi hao kimesikitisha kila mtu kwa kuwa wamekufa wakiwa malaika wa Mungu wakiwa bado wanahitajika na taifa la sasa.
Hata hivyo zoezi hilo la kuagwa kwa miili hiyo limeudhuriwa na viongozi mbali mbali kutoka serikalini na nje ya nchi wakiwemo waziri wa elimu wa tanzania ,waziri wa elimu kutoka nchini kenya,jaji mkuu wa mahakama ,jaji mstaafu ,waziri mstaafu lowasa na Sumaye ,viongozi wa kambi ya upinzani bungeni,madaktari kutoka nje ya nchi pamoja na wabunge mbali mbali.
 
Aidha tukio hili lilitokea mei 6 wilayani karatu ambapo wanafunzi hawa walikuwa wanenda kufanya mitihaninya ujirani mwema katika shule ya Tumaini na ndipo costa ilifeli breki na kusababisha vifo 35 na majeruhi watatu ambao ni Doreen Mshana (13),Sadia Ismaili (11) pamoja na Wilson Tarimo (11)wote wakazi wa Morombo ambapo wote wamelazwa katika hospitali ya mkoa ya Mount meru wakiendelea na matibabu.

Wananchi wakiwa nje ya uwanja mara baada yakushindwa kuingia ndani kutokana na wingi wa watu

Miili ya marehemu ikiwasili katika kiwanja cha kumbukumbu ya Sheikh Amri Abeid tayari kwa zoezi la kuagwa

  Mmoja wa mwanafunzi akiwa amebebwa na wahudumu wa chama cha msalaba mwekundu mara baada ya kuzidiwa na kuanguka ndani ya uwanja wa Sheikh Amri Abeid wakati alipokuja kuaga wanafunzi wenzake (picha zote na Woinde Shizza,Arusha)

Umati wa watu ukiwa unalia kwa uchungu

Mbunge wa viti maalumu Amina Mollel akiwa analia kwa uchungu mara baada ya kuaga miiili ya marehemu hao

 Kaimu Mkuu wa Idara ya Uhamasishaji na Chipukizi Ndg:Jokate Mwengeloakiwa anatoa heshima za mwisho mbele ya majeneza yaliobeba miiili ya wanafunzi hao

  Zoezi la kuaga mwili likiendelea huyu ni mmiliki blog ya fatherkidevu nae akitoa heshima za mwisho

Picha za majeneza ya wanafunzi hao 32 pamoja na walimu na dereva aliyekuwa anaendesha gari hilo

  Mmoja wa Mama aliofiwa na mtoto wake akiwa analia kwa uchungu mara baada ya miili ya watoto hao kuanza kuwasili katika kiwanja cha kumbukumbu ya sheikh Amri Abeid

MVUA ZINAZONYESHA KENYA ZALETA MAAFA NA KUATHIRI MAJENGO

Majengo ambayo thamani yake haijajulikana yameharibika nchini Kenya kutokana na mvua kubwa inayoendelea kunyesha kwenye kaunti kadhaa za nchi hiyo.

Pia kumekuwepo na hofu ya kutokea maporomoko ya ardhi na tayari wakazi wa maeneo yenye maporomoko wamehamishiwa mahala salama.

`

Wakazi wa maeneo ya milimani ya Pokoti Kusini, wametakiwa kuwa waangalifu juu ya uwezekano wa kutokea mafuriko na maporomoko.

VYOMBO VYA HABARI KENYA KUENDESHA MIDAHALO MITATU YA WAGOMBEA URAIS

Vyombo vya habari nchini Kenya vitaendesha midahalo mitatu ya wagombea urais mwezi mmoja kabla ya Uchaguzi Mkuu utakaofanyika Agosti mwaka huu.

Midahalo hiyo ya urais itafanyika katika tarehe tofauti mwezi Julai, huku mdahalo wa kwanza wa marais ukipangwa kufanyika Julai 10.

Mdahalo wa wagombea mwenza utafuatia Julai 17 na kisha mdahalo wa mwisho wa wagombea urais Kenya kufanyika Julai 24.

Midahalo hiyo yote itafanyika kwenye chuo cha Catholic University of Eastern Africa saa moja na nusu usiku na kurushwa kwenye runinga na redioni.

WANANCHI WA KOREA KUSINI WAPIGA KURA KUMCHAGUA RAIS WAO

Wananchi wa Korea Kusini wanapiga kura kumchangua rais, katika uchaguzi ulioitishwa baada ya rais kuondolewa madarakani kutokana na kashfa kubwa ya rushwa.

Mgombea mliberari Moon Jae-in anaelekea wazi kuongoza kwa kura huku akichuana na Ahn Cheol-soo wa siasa za mrengo wa kati.

Uchaguzi huo unafuatiliwa kwa karibu na dunia wakati huu wa hali tete ya uchumi na hofu ya kutokea vita na Korea Kaskazini.

Mgombe Moon anataka kuongeza uhusiano na Korea Kaskazini, kinyume na kiongozi aliyeondolewa Park Geun-hye aliyekata mahusiano yote na jirani zao hao.

  Wananchi wa Korea Kusini wakitimiza haki yao ya Kikatiba ya kupiga kura kumchagua rais

MAPAMBANO YA DAWA ZA KULEVYA NA UVUVI HARAMU YASHIKA KASI WILAYANI NYAMAGANA.

Mkuu wa Wilaya ya Nyamagana mkoani Mwanza, Mhe.Marry Tesha (kushoto), akizungumza kwenye kikao cha tathmini ya utekelezaji wa mapambano ya dawa za kulevya, uvuvi haramu na makosa mengineyo wilayani humo.
#BMGHabari

Mkuu wa polisi wilayani Kamagana akizungumza kwenye kikao hicho.

Katibu wa mkuu wa wilaya ya Nyamagana akizungumza kwenye kikao hicho

Afisa uvuvi halmashauri ya Jiji la Mwanza akizungumza kwenye kikao hicho

Wakili wa Serikali, Ofisi ya Mwanasheria Mkuu wa Serikali mkoani Mwanza, akizungumza kwenye kikao hicho.

Wakili wa Serikali, Ofisi ya Mwanasheria Mkuu wa Serikali mkoani Mwanza, akizungumza kwenye kikao hicho.

Mkurugenzi wa Jiji la Mwanza (kushoto) na Mkuu wa Wilaya ya Nyamagana (kulia), wakiwa kwenye kikao hicho

Mkuu wa Wilaya ya Nyamagana mkoani Mwanza, Mhe.Marry Tesha, amesikitishwa na taarifa za utekelezaji wa mapambano ya dawa za kulevya, uvuvi haramu na makosa mbalimbali ya kiusalama wilayani humo katika kipindi cha mwezi mmoja uliopita.

Akizungumza ijumaa iliyopita kwenye kikao hicho mwishoni mwa wiki, Mhe.Tesha, alisema taarifa zilizowasilishwa na baadhi ya watendaji hazikuwa zimejitosheleza na kuwataka watendaji hao kuhakikisha kikao cha mwezi ujao wanaandaa taarifa kamili ikiwemo mafanikio na mapungufu halisi katika mapambano hayo.

Kikao hicho kiliwahusisha viongozi kutoka idara mbalimbali ikiwemo polisi, uvuvi, serikali za mitaa na Mkurugenzi wa Jiji la Mwanza ambapo taarifa ya Mkuu wa Polisi Wilaya ya Nyamagana, OCD Ochieng Asiago, ilibainisha kukamatwa kwa watuhumiwa 15 na kesi 16 kutokana na dawa za kulevya.

Awali baadhi ya wajumbe katika kikao hicho waliwatupia lawama maofisa wa serikali kwa kuharibu ushahidi wa dawa za kulevya ikiwemo kuita kokeini kwamba ni unga sembe.

Hata hivyo Wakili wa Serikali, Ofisi ya Mwanasheria Mkuu wa Serikali mkoani Mwanza, Seth Mkemwa, alifafanua kwamba dawa zinazohisiwa ni za kulevya zinapokamatwa lazima zifikishwe ofisi ya Mkemia Mkuu wa Serikali kwa ajili ya uchunguzi na ikibainika ni dawa halisi watuhumiwa kufikishwa mahakamani na dawa kuteketezwa.