WAJASIRIAMALI WATAKIWA KUJITOKEZA KUPATA ELIMU

Afisa Tarafa wa jiji La Arusha Feliciana Rutahengerwa ambaye alikuwa mgeni rasmi katika kufunga Semina hiyo akiwa na maofisa wa Kampuni ya Zebra Promotion(wenye Tshirt)Novatus Temba na Omary Lugendo na maofisa wa Banki ya Posta Bruno Lanya wa mwisho na anayemfuatia ni Rafael Maganga wakisikiliza maelezo kutoka kwa mratibu wa semina ya ujasiriamali kwa Kata 25 Zuberi Mwinyi hayupo pichani ndani ya ukumbi wa Kanisa la KKKT Kimandolu jijini Arusha picha zote na mahmoud ahmad wa globu ya jamii arusha

Afisa masoko na mikopo wa benki ya Posta Tanzania tawi la Arusha Rafael Maganga akijitambulisha na kutoa maelezo kwa washiriki ni namna gani watanufaika na mikopo ya benki hiyo katika kukuza mitaji yao.

Afisa Tawala wa jiji la Arusha Polycarp Laurent akiangalia Sabuni iliyotengenezwa na washiriki wa semina hiyo baada ya kufanya jaribio la kutengeneza sabuni ya maji kwa vitendo.

Washriki wakiendelea na mafunzo yao kwenye ukumbi wa Kanisa la KKKT Kimandolu jijini Arusha

Afisa mikopo wa benki ya posta tawi la Arusha Bruno Lanyak akigawa vipeperushi kwa kwa washiriki wa semina ya wajasiriamali iliyoandaliwa na kampuni ya Zebra Promotion kwenye kata za muriet na Kimandolu jijini Arusha.

Afisa mkuu wa kitengo cha Masoko na Mikopo wa Benki ya Posta Rafael Maganga akiwaeleza washriki wa semina ya ujasiriamali jinsi watakavyweza kupata mikopo kupitia Benki hiyo.

Mkurugenzi wa duka la vitabu Kasse Stores ambao pia ni wadhamini wa semina hizo Fanuel Kagengele akiteta jambo na kuwapa mbinu mbali mbali za mafanikio katika biashara zao washiriki wa semina ya ujasiriamali

Hata wafugaji nao wanaunga mkono suala la ujasiriamali kama inavyoonekana pichani mfugaji akishiriki kupata elimu ya ujasiriamali iliyokuwa inatolea na kampuni ya Zebra Promotion kwenye kata ya Muriet jijini Arusha

Afisa masoko wa Benki ya Posta Tanzania Bruno Lanya akitoa Maelezo ya Kupata huduma za Benki hiyo kwa washriki wa semina hiyo picha zote na Mahmoud Ahmad wa globu ya jamii Arusha

Na Mahmoud Ahmad Arusha

Wajasiriamali kote nchini wametakiwa kujitokeza kupata elimu ya ujasiriamali ilikuendana na kauli ya mh.raisi wa jamhuri ya muungano wa Tanzania dkta John Magufuli ya Tanzania ya viwanda ambapo wametakiwa kujiongeza na kutafuta masoko ya bidhaa sanjari na kutengeneza bidhaa zenye ubora.

Kauli hiyo imetolewa kwenye Kata ya Muriet na katibu tawala wa wilaya ya Arusha mjini Polycarp Laurent wakati wakitoa vyeti kwa washiriki wa semina ya wajasiriamali zaidi ya 60 iliyoandaliwa na Taasisi ya Zebra Promotion yenye maskani yake jijini Arusha.

Alisema kuwa ili kuendana na kauli hiyo ifike mahali watanzania na wajasiriamali kujiongeza kwa kutafuta na kutengeneza bidhaa zenye ubora utakaoendana na soko la hapa nchini na nje ya nchi ambapo elimu ndio itakayowafanya kutoka eneo moja kwenda jingine.

“Watendaji na wenyeviti wa serikali ya mtaa wenye dhamana ya kuhakikisha ahadi ya mh raisi inafanikiwa kwa kutoa ushirikiano kwa kampuni zenye nia ya dhati ya kutoa elimu ya ujasiriamali kwa watanzania na yeyote atakayekaidi ahadi ya rais ataenda na maji” alisema Laurent.

Akawataka watendaji kushirikiana na taasisi mbali mbali zinazotoa elimu mbali mbali kwa jamii na waache kufanyakazi kwa mazoea na kudai malipo ya kushiriki katika kupatiwa elimu wa wananchi hilo ni kosa kisheria na linaweza kuwapeleka katika vyombo vya sheria nawasihi muache mara moja tabia kama hizo.

Kwa upande wake Mkurugenzi wa Taasisi ya Zebra Promotion Zuberi Mwinyi alisema kuwa jamii ya watanzania itajitegemea iwapo kutakuwa na sera nzuri kama hili ya hapa kazi tu nao watashirikiana na serikali katika kuhakikisha sera hiyo inafanikiwa kwa vitendo na kuomba ushirikiano wa serikali.

Mwinyi alisema kuwa mafunzo wanayotoa yana misingi ya kuwaunganisha wajasiriamali katika vikundi ambavyo vinaweza kukopesheka kwa taasisi za kifedha na kuweza kujiinua katika kutengeneza viwanda vidogo vidogo na baadae vya kati ambapo mafunzo hayo yanalenga kuinua sera na kauli ya mh.Magufuli  kwa kila kaya kutoa mjasiriamali mmoja.

“Mafunzo yetu yanaenda sambamba na kauli mbiu yetu ya Tanzania ya viwanda inaewezekana, ambapo mafunzo yetu yatatolewa katika  mkoa wote wa Arusha zikiwemo wilaya za ArushaMjini,Monduli,Longido,Karatu,Arusha Dc,Meru na Ngorongoro na baadae Tanzania kwa ujumla”alisema Mwinyi