WAJASIRIAMALI KUENDELEA KUPATA MAFUNZO YA UJASIRIAMALI KWENYE KATA ZOTE ZA JIJI LA ARUSHA BILA MALIPO

Afisa Kilimo wa Halmashauri ya jiji la Arusha  akiaandaa somo kwa wajasiriamali lililohusu kitalu Nyumba(GREEN HOUSE)pembeni yake ni mkurugenzi wa duka la vitabu la Kasse Bookshop Fanuel Kagengere ambao ndio wadhamini wa semina hiyo ya wajasiriamali iliyoandaliwa na Taasisi ya Zebra Promotion yenye maskani yake jijini Arusha picha zote na mahmoud ahmad wa globu ya jamii Arusha

Sehemu ya wajasiriamali waliojitokeza kupata mafunzo ya ujasiriamali katika kuitikia kauli mbiu ya Mh.rais wa jamhuri ya muungano wa Tanzania John Magufuli ya Tanzania ya viwanda hapa wakifuatilia utengenezaji wa sabuni ya unga na maji chini ya mratibu wa mafunzo hayo Zuberi Mwinyi wa Zebra Promotion

Afisa wa mikopo wa Benki ya Posta Tanzania Rafael Maganga akitoa maelezo jinsi benki hiyo inavyufanyakazi na utoaji wa mikopo kwa wajasiriamali kwa riba nafuu kwenye semina ya wajasiriamali iliyofanyika jijini Arusha 

Mratibu wa semina hiyo kutoka taasisi ya Zebra Promotion Zuberi Mwinyi akiwa na Mkurugenzi wa Duka maarufu la Vitabu Kasse Store Ltd Fanuel Kagengele ambao pia ni wadhamini wa semina hizo zitakazokuwa zikiendelea kutolewa kwenye kata mbali mbali za jiji la Arusha

Pichani ni Meza Kuu wakifuatilia mafunzo yalivyokuwa yanatolewa kwa wajasiriamali hawapo pichani, kabla ya mafunzo hayo hayajafungwa rasmi na Afisa Tarafa wa jiji la Arusha Felician Rutahengerwa mwenye tai ambapo wenye flana ni maofisa wa kampuni ya Zebra Promotion kulia na Omar Lugendo almaarufu chai Jaba na Novatus Temba ambaye pia ni mkufunzi wa masomo katika semina hiyo wmishoni na maafisa kutoka kitengo cha masoko na mikopo wa Benki ya Posta tawi la Arusha na pia Wadhamini wa semina hizo kwa kata zote za jiji la Arusha,picha na mahmoud ahmad wa globu ya jamii arusha.

Mkufunzi wa mafunzo ya sabuni Novatus Temba akitoa somo jinsi ya utengenezaji wa bidhaa bora za sabuni ya maji na Unga kwa wajasiriamali walioshiriki katika semina inayotolewa na kampuni ya Zebra Promotion jijini Arusha.

Pichani ni Meza Kuu wakifuatilia mafunzo yalivyokuwa yanatolewa kwa wajasiriamali hawapo pichani, kabla ya mafunzo hayo hayajafungwa rasmi na Afisa Tarafa wa jiji la Arusha Felician Rutahengerwa mwenye tai ambapo wenye flana ni maofisa wa kampuni ya Zebra Promotion kulia na Omar Lugendo almaarufu chai Jaba na Novatus Temba ambaye pia ni mkufunzi wa masomo katika semina hiyo wmishoni na maafisa kutoka kitengo cha masoko na mikopo wa Benki ya Posta tawi la Arusha na pia Wadhamini wa semina hizo kwa kata zote za jiji la Arusha.

Afisa Mkuu wa Kitengo Cha Masoko na Mikopo wa Benki ya posta Tawi la Arusha Rafael Maganga akieleza nini benki hiyo inavyofanyakazi katika kuwasaidia wajasiriamali wa Tanzania kupata mikopo na benki hiyo inaptikana wapi hapa nchini ambapo alisema ni benki rahisi katika kuwafikia watanzania wa hali za chini popote hapa nchini na ikiwa na viwango vya chini vya riba katika mikopo yao.

Afisa Masoko na Mikopo wa Benki ya Posta Tanzania tawi la Arusha Bruno Lanya akijibu maswali magumu kuhusu taratibu za upataji wa mikopo na jinsi gani wajasiriamali watafanikiwa kwenye masoko yao ya ndani na nje ya nchi.

Washiriki wakifuatilia mafunzo yaliokuwa yakitolea kwenye semina hiyo

Wakinadada na wamama kata ya Muriet jijini Arusha wakifuatilia semina ya mafunzo ya ujasiriamali ambayo mafunzo hayo yanatolewa bure kwenye kata zote 25 za jiji la Arusha na kampuni ya Zebra Promotion chini ya Mratibu wake Zuberi Mwinyi picha na mahmoud ahmad arusha.

WAJASIRIAMALI WAKIWA DARASANI WAKIPATA MAFUNZO KWA NADHARIA NA BAADAE VITENDO.

Vijana na kinababa wakifutilia kwa ukaribu mafunzo kwa wajasiriamali yalioandaliwa na kampuni ya Zebra Promotion kwenye kata ya Muriet jijini Arusha

Afisa Tawala wa wilaya ya Arusha Polycarp Laurent ambaye alimwakilisha mkuu wa wilaya ya Arusha kwenye semina ya mafunzo ya ujasiriamali iliyoandaliwa na Zebra Promotion katika kata ya Muriet jijini Arusha pichani akiangaliwa bidhaa iliyotengenezwa na wajasiriamali mara baada ya mafunzo picha na mahmoud ahmad wa globu ya jamii arusha.

Pichani ni Mratibu wa semina ya wajasiriamali kwa kata zote za jiji la Arusha kupitia kampuni ya Zebra Promotion Zuberi Mwinyi akiwa na Afisa Tawala wa Halmashauri ya jiji la Arusha Polycarp Laurent wakihakiki vyeti kabla ya kuwakabidhi wajasiriamali hawapo pichani kwenye kata ya Muriet ikiwa ni muendelezo wa semina kama hizo bila malipo kwa wakazi wa jiji la arusha picha zote na mahmoud ahmad  globu ya jamii arusha.

Na Mahmoud Ahmad Arusha

Wajasiriamali kote nchini wametakiwa kujitokeza kupata elimu ya ujasiriamali ilikuendana na kauli ya mh.raisi wa jamhuri ya muungano wa Tanzania dkta John Magufuli ya Tanzania ya viwanda ambapo wametakiwa kujiongeza na kutafuta masoko ya bidhaa sanjari na kutengeneza bidhaa zenye ubora.

Kauli hiyo imetolewa kwenye Kata ya Muriet na katibu tawala wa wilaya ya Arusha mjini Polycarp Laurent wakati wakitoa vyeti kwa washiriki wa semina ya wajasiriamali zaidi ya 60 iliyoandaliwa na Taasisi ya Zebra Promotion yenye maskani yake jijini Arusha.

Alisema kuwa ili kuendana na kauli hiyo ifike mahali watanzania na wajasiriamali kujiongeza kwa kutafuta na kutengeneza bidhaa zenye ubora utakaoendana na soko la hapa nchini na nje ya nchi ambapo elimu ndio itakayowafanya kutoka eneo moja kwenda jingine.

“Watendaji na wenyeviti wa serikali ya mtaa wenye dhamana ya kuhakikisha ahadi ya mh raisi inafanikiwa kwa kutoa ushirikiano kwa kampuni zenye nia ya dhati ya kutoa elimu ya ujasiriamali kwa watanzania na yeyote atakayekaidi ahadi ya rais ataenda na maji” alisema Laurent.

Akawataka watendaji kushirikiana na taasisi mbali mbali zinazotoa elimu mbali mbali kwa jamii na waache kufanyakazi kwa mazoea na kudai malipo ya kushiriki katika kupatiwa elimu wa wananchi hilo ni kosa kisheria na linaweza kuwapeleka katika vyombo vya sheria nawasihi muache mara moja tabia kama hizo.

Kwa upande wake Mkurugenzi wa Taasisi ya Zebra Promotion Zuberi Mwinyi alisema kuwa jamii ya watanzania itajitegemea iwapo kutakuwa na sera nzuri kama hili ya hapa kazi tu nao watashirikiana na serikali katika kuhakikisha sera hiyo inafanikiwa kwa vitendo na kuomba ushirikiano wa serikali.

Mwinyi alisema kuwa mafunzo wanayotoa yana misingi ya kuwaunganisha wajasiriamali katika vikundi ambavyo vinaweza kukopesheka kwa taasisi za kifedha na kuweza kujiinua katika kutengeneza viwanda vidogo vidogo na baadae vya kati ambapo mafunzo hayo yanalenga kuinua sera na kauli ya mh.Magufuli  kwa kila kaya kutoa mjasiriamali mmoja.

“Mafunzo yetu yanaenda sambamba na kauli mbiu yetu ya Tanzania ya viwanda inaewezekana, ambapo mafunzo yetu yatatolewa katika  mkoa wote wa Arusha zikiwemo wilaya za ArushaMjini,Monduli,Longido,Karatu,Arusha Dc,Meru na Ngorongoro na baadae Tanzania kwa ujumla”alisema Mwinyi