MAKATIBU WA JUMUIYA YA WAZAZI KWENYE WILAYA ZOTE WAKABIDHIWA PIKI PIKI

Mahmoud Ahmad Arusha

Jumuiya ya wazazi mkoa wa Arusha leo(jana)wametoa piki piki saba kwa ajili ya watendaji wa jumuiya hiyo katika kuhakikisha chama hicho na jumuiya hiyo wanawafikia wananchama na wananchi kwa ujumla katika kuimarisha jumuiya na ccm kwa ujumla.

Akikabidhi piki piki hizo kwa niaba ya mwenyekiti wa jumuiya hiyo Abdallah Bulembo,Mbunge wa EALA na mwenyekiti wa jumuiya hiyo mkoani hapa Bernad Murunya alisema kuwa makatibu wa wilaya zote saba za mkoa wa arusha wanatakiwa kutumia vitendea kazi hivyo katika kuimarisha jumuiya na ccm kwa ujumla.

Aliwataka kuhakikisha kuwa chama kinapata ushindi kwani lengo litakuwa limetimia kwa matumizi sahihi ya vitendeakazi hivyo na wajibu wao watakuwa wameutimiza kwani wao ni kiungo muhimu cha chama kupata ushindi ikizingatia kipindi hichi tunaelekea kwenye uchaguzi.

“Mjue mnadhima kubwa ya kuhakikisha vitendeakazi hivi mnavifanyiakazi za jumuiya na si vingine na kama mjuavyo hiki ni kipindi cha kuelekea uchaguzi mkuu wa Urais,Wabunge na Madiwani,Mhakikishe mnakuwa mabalozi wazuri wa kukitangaza chama na jumuiya hatimae chama kipate ushindi”alisema Murunya

Nae Katibu wa jumuiya hiyo mkoani Hapa Mayasa Kimbau alisema kuwa Piki Piki hizo Saba zimetolewa na Mwenyekiti wa jumuiya hiyo Abdallah Bulembo kwa makatibu wa wilaya zote hapa mkoani na kuwa zitumike kwa kazi za chama na jumuiya hiyo pekee.

Akawataka watendaji hao saba waliopokea piki piki hizo kuhakikisha wanazitunza kwani hapo baadae watauziwa kwa bei kidogo hivyo wazitunze kama wanavyotunza mali zao kwa manufaaa ya jumuiya na wao wenyewe.

“Nawasihi muangalie sana matumizi ya Piki Piki hizi kwani mzitumie kwa matumizi na manufaa ya chama chetu na jumuiya ilikukiwezesha chama kuvuka na kupata ushindi kwenye uchaguzi mkuu wa Rais na wabunge”alisema Kimbau

Jumla ya piki piki saba zimegaiwa kwa makatibu wa jumuiya ya wazazi kwenye wilaya saba za mkoa wa Arusha lengo likiwa ni kuwawezesha kufanya shughuli za jumuiya hiyo kwa wepesi na kuweza kuleta tija kwa jumuiya hiyo

Mwisho…………………………………..