Mwenyekiti wa umoja wa vijana wa UVCCM taifa, Sadifa Juma
Khamisi, amewapongeza vijana mkoani Arusha kwa mshikamano walionao katika
kipindi hiki cha kampeni na mshikamano ambao unatoa imani kubwa kwa chama cha
mapinduzi kupata ushindi kwenye uchaguzi mkuu ujao.
Sadifa,ametoa pongezi hizo leo alipokuwa akizungumza kwenye
kikao cha shirikisho la vyuo vikuu mkoa wa Arusha kwa pamoja na baraza la UVCCM
wilaya ya Arusha kilichofanyika ukumbi wa Chama cha Mapinduzi mkoa.
Sadifa,amewataka vijana wasilale bali waimarishe kampeni
katik kipindi hiki ili chama cha mapinduzi kipate ushindi mkubwa kwenye
uchaguzi mkuu ujao..
Amwataka makatibu wa UVCCM,mkoa na wilaya zote nchini kufanyia
kazi kwa haraka pindi wanapopata taarifa za kuwepo matukio ya kuwakwamisha
vijana kufanya kazi ikiwemo,kufanyiwa vurugu na kushambuliwa na wanachama wa upinzani .
Amewataka vijana kujipanga
tayari kuwakabiri wanachama wa vyama vya upinzania ambao wanakusudia kuvuruga
uchaguzi na kuwakumbusha kuwa vijana ndio walinzi wa chama cha mapinduzi.
Pia
amewataka kufanya kampeni za kistaarabu ambazo zitawashawishi wapiga
kura kukipigia chama cha mapinduzi kura na hivyo kuibuka na ushindi wa
kishindo ila yeyote atakaye mchokoza mmoja wenu uvumilivu sio silaha ya
vijana bali mjibu mapigo.
"Najua
wamejipanga kuhakikisha kuwa wanaharibu uchaguzi nyie muwe wastaarabu
katika kuhakikisha chama chetu kinapata ushindi kuanzia kwa dkta
Magufuli hadi kwa madiwani wetu ifikapo oktoba 25"alisema Sadifa
Aidha
mkutano huo wa ndani wa vijana jijini hapa uliofanyika katika ukumbi wa
ccm mkoa uliibua hisia mbali mbali huku vijana wakitunishiana misuli
hali iliyopelekea mwenyekiti huyo wa uvccm taifa kuweka sawa hali hiyo
na mwisho kuondoka ukumbini hapa.
Sadifa
alisema kuwa hali ya sasa ya kisiasa inavyoonekana wenzetu wamejipanga
kuhakikisha uchaguzi unakuwa si wa amani lakini msiwafuate hadi pale
watakapowachokoza ndiyo hapo vijana onyesheni kuwa nanyi ni vijana.
Hakuna maoni:
Chapisha Maoni