Na Ahmed Mahmoud
Sheria mbali mbali zimekuwa
zikitungwa kuhusiana na utunzaji wa mazingira lakini bado kumekuwa na
ombwe la uharibifu na ukataji mkubwa wa misitu hapa nchini na kupelekea
mabadiliko ya tabianchi je tatizo lipo wapi ni kwenye ufutaliaji wa
sheria au elimu kwa wanchi haijawafikia.
Utaona pindi yanapotokea majanga
mbali mbali hapa nchini ndipo kauli mbali mbali zinatoka mifano ipo
mingi yakiwemo magonjwa ya milipuko mafuriko bila kuandaa mazingira yetu
kabla ya kuharibika suala hili ndio chanzo kikubwa cha uharibifu wa
mazingira hapa nchini.
Tarehe 5 ya mwezi wa sita kila
mwaka duniani kote husherehekea siku ya mazingira Duniani na nchini siku
hiyo husherehekewa kwa upandaji wa miti na utoaji wa elimu ya utunzaji
wa mazingira sanjari na matamasha,maonyesho na mikutano ya hadhara lengo
kuu ni kufikisha ujumbe wa siku hiyo.
Sote ni muhimu kutambua
kuadhimishwa kwa siku hii ya mazingira duniani kwani siku ya mazingira
duniani ni siku iliyopangwa kimataifa ili kutoa fursa ya kukuza uelewa
wa jamii na kuchukuwa hatua za maksudi za kuhifadhi na kutunza mazingira
kwa ustawi wa maisha ya kizazi cha sasa na vijavyo.
Tatizo la uharibifu wa mazingira
ni la ulimwengu wote ambalo linatokana na kuongezeka kwa shughuli mbali
mbali za kimaendeleo katika Nyanja za kiuchumi na kijamii ambazo
zimesababisha uchafuzi wa mazingira na kuathiri maisha ya mwanadamu na
viumbe vingine.
Hali hii ya uchafuzi wa mazingira
imesababisha majanga mbali mbali ya kimazingira na kijamii kama mafuriko
na kuenea kwa hali ya jangwa ambayo ni matokeo ya mabadiliko ya
tabianchi.
Matokeo haya yanasababishwa na
binadamu hasa mataifa yalioendelea kiuchumi yanapofanya shughuli za
kiuchumi na maendeleo bila kuwaza matokeo ya shughuli hizo kwenye
mazingira na uharibifu wake.
Aidha Afisa mazingira jiji la
Dodoma Ally Mfinanga Kujisahau kwetu ndio kumetufanya binadamu kuwa
waathirika wa mafanikio yetu mwenyewe(the victim of his own succer’) na
dunia inalia kwa sababu ya madhara yaliojitokeza baada ya mwanadamu
kujitenga na mazingira.
Amesema kuwa Uchafuzi huu
unatokana na mambo makuu mawili,uzalishaji wa taka unaozidi uwezo wa
mazingira kuhimili taka hizo hasa taka za plastiki jambo hili
linahusisha kauli mbiu ya kimataifa ya mwaka huu inayosema kuwa
“ pambana na uchafuzi wa mazingira
unaotokana na taka hasa za plastic’’ hii itaondoa tatizo lilopo la
kuteketeza taka ngumu zilizoenea katika makazi yetu” alisema Mfinanga
Taka hizi za Plastiki zimekuwa ni
kero kubwa ya uharibifu wa mazingira katika jamii nyingi zinazozalisha
taka hizi zina madhara mbali mbali ya kijamii na kimazingira kama
ifuatavyo “uharibifu wa hewa(dioxine anda furans)unatokakana na
kuunguzwa kwa plastik’
Uchafuzi wa vyanzo vya maji kama
vile mito maziwa na bahari ambapo taka hizi huathiri mazalia ya viumbe
wa majini hususani samaki na kuhatarisha maisha ya wanyama wanapokula
plastiki hufa.
Taka hizi pia huharibu miundo
mbinu ya maji mfano mabomba na mifereji ya kupitishi maji kwa
kusababisha kuziba hali hii ni moja ya uharibufu wa mazingira,kuharibu
muonekano wa mazingira hasa maeneo ya wazi na kando kando ya barabara.
Narudia Kauli mbiu ya kitaifa
mwaka huu “mkaa ni gharama tumia nishati mbadala” utaona matumizi ya
mkaa ndio imekuwa nishati mbadala hapa nchini huku wataalamu wakitoa
nasaha mbali mbali yakupunguza matumizi ya nishati hiyo.
Kama tutachukuwa hatua za maksudi
kuhakikisha tunabadili mwelekeo wa matumizi ya mkaa na kuangalia nishati
mbadala tutaepuka na kuiepusha nchi kuingia katika mabadiliko ya
tabianchi yanayotokana na shughuli zetu za kiuchumi.
Siku hii hapa nchini kitaifa
ilifanyika jijini Dar es salaam na mkoani Dodoma yalipo makao makuu ya
nchi yalifanyika kwenye viwanja vya Nyerere ambapo mgeni Rasmi alikuwa
Naibu Meya wa Jiji Hilo Jumanne Ngede ambaye aliwataka watumishi wa
halmashauri hapa nchini kuanza kujitathimini kama wamefikia malengo ya
serikali katika suala zima la utunzaji wa mazingira katika halmashauri
zao.
Kwa upande wake kaimu mkurugenzi
wa jiji la Dodoma Dickson Kimaro ambaye ni Afisa mazingira wa jiji hilo
anasema kuwa wamejipanga kuhakikisha Sheria zinafuatwa na
watakaobainika wanavunja sheria hatua kali zitachukuliwa iliwamo faini
ya 50,000 au kupandishwa mahakamani au vyote kwa pamoja.
Amesema kuwa matumizi ya
rasilimali za kimazingira kupita uwezo wake kujirejeza jambo
hilolinahusisha kauli mbiu ya kitafa inayotanabaisha kuwa mkaa gharama
tumia nishati mbadala ambayo itaokoa uharibifu wa misitu yetu.
Amesema kuwa ilimu wataendeleo
kuitoa na kuwa atakaye mpeleka mtuhumiwa wa uchafuzi na uharibifu wa
mazingira tapewa asilimia 50% ya fedha ya faini na kuwataka wananchi
pamoja na askari jamii kuhakikisha watandea kazi hiyo kwa uweledi.
Kutokana na kauli hiyo ya Mh.Ngede
inatukumbusha kwamba mahitaji yetu ya msingi yanatokana na rasilimali
zilizoko kwenye mazingira ikihusisha hitaji muhimu la nishati ya
kuni\mkaa ambazo zinatumiwa na wananchi wengi katika maeneo ya mjini na
vijijini.
Hapa tunaona miti ni rasilimali
muhimu sana kwa uhai na ustawi wa mwanadamu maana inahifadhi vyanzo vya
maji na kusafisha hewa tunayovuta ili tuendelee kupata maji na kuvta
hewa safi tunahitaji utunzaji wa misitu.
Hapa nchini kumekuwepo na ufyekaji
wa uoto hasa misitu uliopitiliza uwezo wake wa kujirejeleza na matokeo
tunetengeneza mazingira ya kuenea kwa hali ya jangwa hasa maeneo mbali
mbali ambayo hapo awali yalikuwa ni vyanzo vikubwa vya maji.
Muhimu elimu ikatolewa kwa jamii
juu ua umuhimu wa hifadhi ya isitu ambao kazi yake kubwa ni kufyonza
hewa ya ukaa(green house gas) ambayo ni chanzo kikuu cha mabadiliko ya
tabianchi na uharibifu wa mazingira.
Rai yangu kwamba sote kwa pamoja
tuwajibike kupanda na kutunza miti tutumie nishati mbadala na
kuhakikisha taka zinatupwa katika hali iliyo salama kiafya na
kimazingira ili vizazi vijavyo virithi hali tuliyoikuta sisi
Kama taifa sheria ziwekewe mkazo
kama kwenye Halmashauri ya manispaa ya Moshi mkoani Kilimanjaro
walivyofanikiwa kuweka mji wao katika hali ya usafi na iwe tabia yetu
isiwe nguvu ya soda mpaka kila jumamosi ya mwisho wa mwezi.
Hakuna maoni:
Chapisha Maoni