…………………………………………
Halmashauri za
majiji,manispaa,na miji zimeagizwa kubuni vyanzo vya mapato ili
kujiongezea uwezo wa kuhudumia miradi ya maendeleo Katika dhana nzima ya
kutotegemea misaada ya wahisani.
Kauli hiyo imetolewa wakati wa
ufunguzi wa kongamano la upatikanaji wa fedha za ndani za maendeleo
lililoandaliwa na mfuko wa umoja wa mataifa wa ukuzaji
mitaji(UNCDF)uliofanyika jijini hapa kwa siku mbili.
Akizungumzia umuhimu wa
kongamano hilo mratibu wa mashirika ya umoja wa mataifa hapa nchini
Alvaro Rodrigeuz alisema kuwa anaipongeza serikali ya Tanzania kwa
kufuata mfumo wa ufuatiliaji wa fedha za ndani kwa ajili ya kukuza
uwekezaji katika miundombinu ya kibiashara inayoleta mabadiliko kwa
umma.
Rodriguez alisema kuwa katika
hotuba yake kwamba kwa kuwezesha mfumo wa UNCDF LFI kwenye serikali za
mitaa ndio jibu la uhakika la uwekezaji wenye mafanikio endelevu kwa
taifa zima huku akitanabaisha kuwa mpango huo wa LFI ambao umekuwepo
nchini kwa miaka mitatu sasa umewezesha kuleta mabadiliko katika
jamii,na unafaa kumilikiwa na jamii ili kuwezasha mafanikio ya juu
katika uwekezaji.
“umoja wa mataifa kupitia UNCDF
utaendelea kufanyakazi na serikali ya Tanzania kwa kuamini kwamba vita
dhidi ya umaskini itafanikiwa kwa kuhamisha mitaji na kuipeleka katika
ngazi za chini kwa maendeleo ya wananchi”alisema Rodrigeuz.
Aidha Kongamano hilo ambalo ni
mwendelezo wa uwezeshaji wa kubadilishana uzoefu na elimu kwa lengo la
kuwezesha miradi ya umma na binafsi inayochangia maendeleo kujengwa
katika siku ya kwanza ya kongamano hili washiriki wataonyeshwa miradi
iliyotekelezwa na manispaa ya Busia Uganda na ule wa mji wa Kibaha hapa
nchini.
Akisisitiza umuhimu wa kogamano
hilo meneja nwa LFI duniani Peter Malika alisema kwamba kongamano hilo
linatoa nafasi kwa watumishi wa serikali za mitaa na wengine kujifunza
namna mpya ya kupata mitaji kwa kutumia vyanzo vya nyumbani ili
kufadhili miradi ya miundombinu ya kiuchumi inayohitajika kwa kutoa
fursa za ujasiriamali,biashara,uwekezaji,ajirakuboresha maisha ya watuna
ukusanyaji kodi na utoaji wa huduma.
Alisema kuwa washiriki
watajadiliana na kujipanga kwa ajili ya utekelezaji wa mfumo huo katika
nchi zao wanakotoka il kupiga hatu mbele katika undelezaji wa miradi ya
maendeleo inayofadhiliwa na serikali za mitaa bila ya kutegemea fedha za
nje.
Aidha Mwakilishi wa Katibu mkuu
wa Tamisemi Denis Bandisa alielezea dhamira ya serikali ya kutumia mfumo
huo ulioasisiwa na UNCDF kwa kuufanya uwe wa kitaasisi Zaidi ilkuweza
kusaidia kuutekeleza mipango ya maendeleo na uwekezaji ya serikali za
mitaa.
Bandisa alisifu kazi ya mpango
ya uwezeshaji wa fedha za ndani kwa maendeleo(local finance initiative
LFI) chini ya sekretarieti ya UNCDF kwa ubunifu wake unaowezesha
kupatikana kwa mitaji ya kuwekeza katika miradi ya maendeleo
inayofadhiliwa na serikali za mitaa hapa nchini.
Hakuna maoni:
Chapisha Maoni